🎇 வடக்கம்பட்டி பட்டாசுகளும்..... வடக்கம்பட்டி பிரியாணித் திருவிழாவும்! பாகம் 1

                🎆பட்டாசுகள் என்றாலே நமக்கு தீபாவளி தான் நினைவுக்கு வரும். இதையே தீபாவளி என்றாலே பட்டாசுகளே நினைவுக்கு வரும் என்றும் கூறலாம். ஆனால் பட்டாசுகளை உலகுக்கு அறிமுகம் செய்தவர்கள் சீனர்களே. இன்று உலக அளவில் பட்டாசுகளின் விற்பனை மதிப்பு சில பில்லியன் டாலர்கள் என்றால் அதில் 40% க்கும் மேற்பட்ட உற்பத்தி சீனாவில் இருந்து பெறப்படுகிறது. அது மட்டுமல்ல, சீனாவின் பட்டாசுகள் மிகச் சிறப்பு மிக்கதாகவும், அதே நேரம் விலை மலிவான முறையிலும்கூட கிடைக்கிறது. சீனப் பட்டாசுகள் இறக்குமதி செய்யப்பட்டால் நமது ஊர் பட்டாசுகள் விற்பனை பாதிக்கும் அளவுக்கு நிலைமை உள்ளதாக பட்டாசு வணிகர்களே கூறுகின்றனர்.

        📜2000 ஆண்டுகளுக்கு முன்னரே பட்டாசுக்கான அடிப்படை சீனாவில் தோன்றி விட்டது. ஆம் சீனர்கள் உணவிற்காக பயன்படுத்தப்பட்ட சில உப்புக்கள் நேரடியாக நெருப்பின் மீது பட்டவுடன் வெடிப்பது மினுமினுப்பது என்று நிகழ்வதை யாதார்த்தமாகவே உணர்ந்தார்கள். இந்த யதார்த்த நிகழ்வே இன்று பட்டாசு தொழிலாக உலகம் முழுவதும் பரவி மக்களை மகிழ்ச்சிப்படுத்தியும் வருகிறது.

          🎋10 ஆம் நூற்றாண்டுக்கு பின் சாங் வம்ச சீனப்பேரரசர் காலத்தில் லிடியன் என்ற துறவி ஒருவரால் வெடிக்கும் உப்புக்களை கொண்டு மூங்கிலில் நிறைத்து அதை பட்டாசாக வெடிக்கும் முறையை கண்டுபிடித்ததாக சீன வரலாறு பதிவு செய்துள்ளது.

                      🌏சீனத்தில் ஹனாபி என்ற சொல்லுக்கு "நெருப்பு - மலர்" என்ற பதம் உள்ளது குறிப்பிடத்தக்கது. ஆசியா, ஐரோப்பா, அமெரிக்கா என சீன பட்டாசு முறை உலகம் முழுவதும் பரவியுள்ளது. 

இது இந்தியாவிற்கு எப்படி வந்தது.....?

        🏭18ஆம்  நூற்றாண்டின் பிற்பகுதியில் இந்தியாவின் வட மாநிலங்களில் தீப்பெட்டி உற்பத்தி தொழிற்சாலைகள் நிறுவப்பட்டிருந்தன. 19ஆம் நூற்றாண்டின் துவக்கத்தில் கல்கத்தாவில் தீப்பெட்டி உற்பத்தி ஆலைகள் இயங்கி வந்தன. 1922-ல் கல்கத்தாவில் வேலை செய்து வந்த சுறுசுறுப்பும் சிறந்த மதிநுட்பமும் மிக்க அய்யன் நாடார், சண்முகம் நாடார் என்ற இரண்டு இளைஞர்கள் தமது சொந்த ஊரான சிவகாசியில் தொழில் துவங்கி நமது மக்களுக்கு வேலை வாய்ப்பு தர வேண்டும் என்ற திட்டத்துடன் சிவகாசி திரும்பினர். இதற்குப் பின்னரே சிவகாசியில் முதலில் தீப்பெட்டி தொழிலும், பின்னர் பட்டாசுத் தொழிலும் உலக அளவில் புகழ்பெற்றது.

        🎇இன்று சிவகாசியில் உற்பத்தியாகும் பட்டாசுகள் தீபாவளிக்கு மட்டுமல்லாது திருமணங்கள், கோயில் விழாக்கள், இறப்பு ஊர்வலங்கள், அரசியல் கட்சி மாநாடுகள் ஊர்வலங்கள் என பல கொண்டாட்டங்களில் மகிழ்ச்சியின் வெளிப்பாடாக அமைந்து உலகம் முழுவதும் விற்பனை செய்யப்பட்டு தமிழக பொருளாதாரத்திலும் முக்கிய பங்காற்றுகிறது.

பரவச படுத்தும் அறிவியல் பட்டாசுகளில்....! 

    🔬பட்டாசு உற்பத்தியில் சமீப காலங்களில் பல புதுமைகள் புகுத்தப்பட்டுள்ளன. இயற்பியலும் வேதியியலும் கலந்த தொழில்நுட்பம் இன்று இத்தொழிலை சிறப்பித்து வருகிறது. பட்டாசு உற்பத்தியில் பிரகாசமான வெள்ளை நிறத்திற்கு மெக்னீசியம், ஆரஞ்சு நிறத்திற்கு கால்சியம், நீல நிறத்திற்கு தாமிரம், சிவப்பு நிறத்திற்கு லித்தியம், பச்சை நிறத்திற்கு பேரியம் என பல்வேறு இரசாயனங்கள் பல்வேறு அளவுகளில் கலக்கப்பட்டு பல வண்ணங்கள் பெறப்படுகின்றன. இவற்றோடு தீப்பொறி பறக்க இரும்பு கலந்த மணல்களும், புகை அதிகமாக வர துத்த நாகம், மினுமினுப்புக்கு ஆண்டிமனி போன்ற சில இரசாயனங்கள் சேர்த்து பக்குவமாகவும் பாதுகாப்பாகவும் பட்டாசுகள் உற்பத்தி செய்யப்படுகின்றன. பட்டாசுகளில் பாஸ்பரஸ், பொட்டாசியம், சோடியம், கந்தகம் உள்ளிட்ட இரசாயன கலவைகளை பல வடிவ காகித சுருள்களில் ஆழ்த்துதல், அமுக்குதல், நனைத்தல் என பல இயற்பியல் முறைகளில் சேர்த்து வடிவமைக்கப்பட்டு ஒலி, ஒளி, வண்ணம், வேகம், சுழல்முறை என பல்வேறு வகையிலான பட்டாசுகள் உற்பத்தி கலையாகவே சிவகாசியில் வளர்ந்துள்ளது.

            🌱சமீப காலங்களில் சுற்றுச்சூழல் குறித்த விழிப்புணர்வு காரணமாகவும், அரசின் சட்ட நெறிமுறை காரணமாகவும் சிவகாசி பட்டாசு உற்பத்தியில் கொடும் தீங்கு விளைவிக்கும் காரீயம், கல்லியம், ஆர்சனிக், ஆண்டிமோனி உள்ளிட்ட இரசாயனங்கள் பயன்படுத்தப்படுவதில்லை என பட்டாசு உற்பத்தியாளர் சங்கத்தின் மூலம் அறிவிக்கப்பட்டு கடைபிடிக்கப்பட்டு வருகிறது.

        ⚠️என்னதான் கலையாகவும், சிவகாசி மற்றும் அதன் சுற்றுப்புற ஊர்களின் பொருளாதார ஆதாரமாக இருந்தாலும் இத்தொழிலை அபாயகரமான தொழிலாகவே பார்க்க வேண்டியுள்ளது. ஒவ்வொரு வருடமும் பட்டாசு ஆலையில் வெடி விபத்து என்ற செய்தியும் அதில் வரும் உயிர்ப்பலி எண்ணிக்கையும் நம்மை பதற வைக்கிறது. அரசும், பட்டாசு தொழில் நிர்வாகமும் எவ்வளவுதான் முன்னெச்சரிக்கை நடவடிக்கை எடுத்தாலும் விபத்தும், உயிர் பலியும் தொடர் நிகழ்வாகவே உள்ளது. அதனால் ஏற்படும் பொருளாதார இழப்பை விட குடும்பத்தின் முக்கிய உறவுகளை இழந்து அவர்கள் பரிதவிக்கும் காட்சி நம் சிந்தையை விட்டு அகல மறுக்கிறது.

    ஒரு நிரபராதி தண்டிக்கப்பட்டு விடக்கூடாது என்பதற்காக சில குற்றவாளியை விடுதலை செய்து விடலாம் என்ற பழமொழி மனநிலையில் உள்ள நம் மக்கள் தான் பல குடும்பங்கள் கொண்டாட்டமாக இருப்பதற்கு சில குடும்பங்களை பலியிடலாம் என்று உள்ளனரோ என எண்ணத் தோன்றுகிறது. இப்படி உயிர் பலி கொடுத்து, சமூக சுற்றுச்சூழலை மாசுபடுத்தும் பட்டாசு உற்பத்தி தொழில் மிகுந்த கவனமுடன் கையாளப்பட வேண்டும். முறையான வளமான மாற்றுத் தொழில் இருப்பின் சிறிது சிறிதாக மாற முயற்சிக்கலாம். ஒரு தனி நபராக பட்டாசு வெடிப்பதை நாமும் கூட யோசிக்கலாம்.

    📍சரி வடக்கம்பட்டி வருவோமா.... பெரிசா ஒன்றுமில்லை கொண்டாட்டங்களுக்கு பட்டாசுகள் வாங்க வருவோர் வடக்கம்பட்டி பட்டாசுகளை கேட்டு வாங்கும் அளவிற்கு தொழில்முறையில் குறிப்பிட்டு வளர்ந்துள்ளனர் என்பதே சிறப்பு தானே. 🎆மேலும் வடக்கம்பட்டி பட்டாசுகள் தீ மற்றும் புகை மாசு குறைவாகவும் அதிக சப்தத்தையும் கொண்டு தீபாவளி, கோவில் திருவிழா, கட்சி மாநாடு, ஊர்வலங்கள் என சகல விசேஷங்களிலும் அனைவரையும் மகிழ வைக்கிறது என்பது கூடுதல் சிறப்பு.   

ஆக்கம் - துமியன்.

📖 வடக்கம்பட்டி பட்டாசுகள் முதல் பகுதி நிறைவுற்றது.....

 வடக்கம்பட்டி பிரியாணித் திருவிழாவை காண — இரண்டாம் பகுதிக்கு வாருங்கள் 

    🎇பட்டாசுகளின் பின்னணியைப் பார்த்தோம்… அடுத்து, வடக்கம்பட்டி பிரியாணித் திருவிழாவின் பின்னணியில் இருக்கும் சுவையான வரலாற்றை அறிந்துகொள்வோமா? 🍛

📅 இரண்டாம் பகுதி வரும் நவம்பர் 15 அன்று வெளியாகும்.

தொடர்ந்து இணைந்திருங்கள்… சுவையோடு சிந்திப்போம்! ✨

கொஞ்சம் சிந்திங்க பாஸ்...

அடுத்த பகுதியில விடையை பாக்குறதுக்கு முன்னாடி chatgpt குள்ள போகாம விடையை  கண்டுபிடிச்சவங்களுக்கு ஒரு சபாஷ் !

💬 உங்கள் கருத்துகளை கீழே உள்ள கருத்துப் பகுதியில் பகிருங்கள்.

🔗 எங்களைப் பற்றி மேலும் அறிந்துகொள்ள இதை கிளிக் செய்யுங்கள்.